وجهة نظر لقيادة شركات الاتصالات ليبيانا والمدار

ارجوكم ما تفكروا في 5G قبل عام 2021
نسمع في طراطيش كلام انكم بادين تجروا الزوز ارسال لجان ووفرق تتدرب على معدات وتقنيات الجيل الخامس

في اولويات قبل الجيل الخامس

فكوا ابراج 3G الموجودة في الاماكن اللي فيها 4G كويسة جدا وحطوها في القرى لتوسع التغطية لانكم كلكم عندكم مشكلة في التغطية في الارياف والدواخل
ضاعفوا قدرة الشبكة من تغطية الجيل الرابع
ثبتوا السرعة في الاماكن المزدحمة

نعلم انكم الزوز شريتوا بطاريات طويلة العمر للابراج… استمروا هكي صح…
ابدوا في موضوع eSIM
فكروا كيف تبيعوا موبايلات بالتقسيط بضمانات

حاجات زي هكي ليها مردود على الناس

الوااااااااو بتع نحن اول شركة ادخلنا الجيل الخامس لليبيا زايدة وضدكم ولكم مثال فيما حدث في wimax & 4G
انتم اروع شركات دخلت هذه التقنيات وأسوأ تجارب في العالم كله
4G سرعتها 2mbps

حتى عيب

المهم ركزوا في الدوة اللي تنبت والمفيد خليكم من السبق

H+ بتع المدار عندي ارجل من اي خدمة

كلامي هذا من انسان محب مش كاره لكم في شيء
وحبي ان بلادي تكون فيها خدمة مستقرة

اما القابضة وهاتف ليبيا الله لا تسامحكم