اللي يتوقعوا – سواء من داخل الشركات ل ت ت او ليبيانا او مدار او خارجهم – ان القصد هو الضرر او الشهرة او الدعم او الابتزاز او الشوشرة او الضجة… فهو غالط
الموضوع هو مصلحة مجتمع – مصلحة قطاع – الموضوع ما كاسب منه شي ولا مستفيد منه شيء وكان تبي تتكلم عن الاضرار اللي ممكن تلحقني في شخصي فهي كثيرة جدا جدا..
بس نشوف اني مدام فاهم حاجة بسيطة ونقرا في كل شي من اتفاقيات وتعاقدات و اوراق ورسائل وخدمات دعم فني ومطلع شوي… نبي نحسن الوضع
كان في خلل نوضحه.. كان في تقصير نبه عليه.. كان في حاجة تبي التطوير نقول عليها… كان نبي دعم بنقول نبي دعم…
بس بالمقابل كونوا معاي او طالبوا بحقكم في اتصالات مستقرة بعيدا عن اي اتهام في اشخاص
يعلم الله طوال وجودي في هذا القروب ما جيبت اسم واحد في اي شركة بضرر او سب… وعلما نعرف فوق من 300 شخص في القطاع من الجدد والقدم
خلاصة كلامي… لا يوجد عندي اي عمل عدائي ضد اي شركة ومن مصلحتي مصلحة الناس… والوعي لازم ينتشر… وكان مش معاي الشركات نفسها فبدونها…
وانا قاعد نراجي في مراسلتهم… بس حبيت نقول الكلام هذا لكل من اتهمني وهددني وحبطني وعدل النوايا….
اعتبرني نحارب على حقي وادعمني بكلمة طيبة مش لازم الشتيمة…
لاني لو انسحبت فلم انسحب من تهديدات الشركات انما من تحطيم المعنويات والرعب اللي تعبى الخاص…
وموفقين وخلوا معنوياتكم فوووووق ✌🏻✌🏻✌🏻