خلو نقوللكم شن بيصير

يوم 1-10-2019 راح نديروا حملة هاشتاقات على فيسبوك وتويتر حتى لو كنت بروحي….. وشكاوي على على منصات تواصلهم سوء 1213 للمدار او 150 لليبيانا او مواقعهم وصفحاتهم

حملة كاريكاتير وميمز ومنشورات الشهور الماضية ومنشورات جديدة في كبرى الصفحات هدفها…. توضيح مدى كارثة الاتصالات في ليبيا….

يصحب ذات اليوم حملة بلاغات في مراكز شرطة بغش تجاري وعدم استقرار الخدمة وتلاعب في الاداء

بعدها بيوم او يومين ايميلات لكل الشركات التي تتعامل مع هذه الشركات على كافة المنصات وكل شركة تقدم حتى بيروا او ورقة لشركات الاتصالات بعدم التعامل معهم لانهم شركات لا تهتم بالزبون

بعدها نجمعوا توقعات لنائب العام بفتح تحقيق اداري وفني ومالي في كل شركات القطاع

في ذات الفترة مشاركة السرعة والسعات والاسعار…..

ايصال رسالة للمجلس الرئاسي والوزارة وقيادات الشركات ان في حاجة غلط واننا في 2019 مش في 2009

حصر مواقع انعدام التغطية….

السرعة والسعة واستقرار الخدمة مسؤوليتهم مش مسؤوليتنا

اي حد يشوف فيا فاضي وماعندي ما ندير ومش راح يسمعونا بالله ما يعلق… خليني في حالي وانا مقتنع ان هذي الشركات اداريا اضعف من طفل في ابتدائي.

والقادم أسوأ

هنا امين صالح ونتكلم بقوة لان نعرف شن ندير وانتم الاضعف لان ما عندكم ما ديروا الا جني في وقته

[https://www.facebook.com/events/2286451751651341/](https://www.facebook.com/events/2286451751651341/)

#شركات_الاتصالات_الليبية

#المدار_الجديد

#ليبيا_للاتصالات_والتقنية

#هانف_ليبيا

#ليبيانا