بداية حملة تشويه شخصية جديدة ومش اول مرة ولا راح تكون اخر مرة
ومش مشكلة عادية
شدوا عندكم جديد الاتهامات ولو في حد يبي يزيد يتفضل:
🔥امين بلعوط وكان عارف بالقرار وساكت وقال ندير الجو والقرار طالع من 13 فبراير وقال نركب الموجة…
*************
يا سيد اللي درته كله عفوي وما نعلم بشي ولا في اي مؤسسة او شركة راضية تقابلني وكله ضغط شعبي والهيئة نزلت قرارها اليوم وفي موظف امس قالي عليه وان في قرار بكرا بيصدر من الهيئة وقلت هذا مصدر ضعيف ومش لازم ينذكر وما عدلت وقالي بالزبط بعد اسبوع
🔥 امين اعطوه رشوة الشركات والقابضة علشان يطلع ويقول هل القرار مدروس او لا وشن وضع الخدمات وامتى راح يتنفذ ويبي يسلب الشعب فرحته
*************
يا سيد انا بديت الحملة بالمعرفة والعلم والتقنية والتسويق والكلام الحضاري وانتقلت للجميع بعد ان كانت قضية راي عام وليس انا اللي يغرني التصفيق والمباركات ولا حد من الشركات راضي يرد عليا ولا يرجعلي فلوس اللي فاتح فيهم شكاوي ولا يكلمني ولا واحد… يعني ندير فيه حملة مجتمهية شعبية
🔥 القرار ما عنده فيه اي دور
*************
مرات يكون ماعندي فيه دور في الحملة لو فعلا هو صادر يوم 13-2 مش امس او اليوم او من ستة شهور… بس ليا دور عبر سنة في معركة التوعية والتقنية والتدوين وماسكها في جرت تحسين الخدمات ليا سنة
🔥 انت ركبت الموجة
*************
فعليا انا صنعت موجة مش مستحق نركبها
🔥 عنده انفصام شخصية ومتناقض
*************
انا نقول في كل الحق والمعرفة والتقنية اللي نعرفه فلو قسم منها ما عجبك او مش ماشي معاك ما تحكم على اللي ما عجبك من طرحي بوصف انفصام شخصية… لان انا نطرح في طرح شامل من جميع وجهات النظر شركات مواطنين قابضة هيئة دولة ووطن واجيال
🔥 تقنيا ي سيد امين انت فلقت مشتركين ليبيانا و المدار معاش ف باقة 3 اضعاف ف لباقة ب سعرها اصلي و نقص 50% و عيش ي مواطن
**************
لو داروها نمشوا نفتحوا باب الحوار معاهم وناقشوهم ولو ما وصلنا لحل الهاشتاق موجود والسوشيال ميديا موجودة والصفحات معانا وربي معانا
🔥طالب شهرة في مجال التقنية وع اساس داير ثورة ضد الاتصالات في ليبيا
**************
انا ما عندي الا موقعي وقناتي وصفحتي وبودكاست وكم مية بوست على عشرات الفيدوات على شركات الإتصالات كون الطزح الخاص بيا اشتهر فانا فخور بطرحي وما حد لقيته يدير في طرح منافس واشتهرت بعملي وليس بالفراغ
🔥 شركات سايروك اكثر من مره انت ومن يشجع فيك تبو تخفيض دارو تخفيض توا طلعت بقصة قرار مدروس وانا خايف عليكم تخسرو؟
**************
اولا ما سايرني بشي بحاجة… اللي طلبته لشعب ومش ليا علشا نسكت… يعني نقنعه تقنيا وفنيا وتجاريا وبعدها ما ينفذ وتوا الوزارة قررت قرار ووصلني من هلبة ادارات ان القرار مرات يجي ضد الشركات… فانا حطيت شكوكي… واتمنى يطلعحد يقول لا الامور تمام… الف مبروك بعدين وننسحبي ونعتزل العمل الاتصالات 😁
🔥تحب تخلق جدال بآي طريقة كانت وديما عكس التيار
قرار التخفيض قرار سئ مليون في ميه ولو صار منه حيكون ع حساب الجودة هذا يتحمل مسؤلية كل من يتبع فيك.
***************
مش انا اللي اتخذ القرار ومش مسؤوليتي ولو سيء يلغوه ويطلعوا يقولوا شن الافضل ولو كارثي انا ضده وبقوة ونقدر نفهم الناس شن الصح وشن الغلط والافيد لصالح العام
🔥انت سبب خراب الشركات وفوضى القطاع
***************
انا مش طرف ولا قطب ولا صاحب منصب في القطاع انا مدون تقني مستقل… اسعى للافضل.. لو الشركات ترى ان القرار لا يصب في الصالح العام ترد وتكلم القابضة والقابشة تكلم الوزارة بالامكانيات المتاحة لتخفيض والخطة الزمنية
🔥 عنده اجندة وحاجات في دماغه ويبي ينفذه
**************
والله ما نعرف شن معنى اجندة الصراحة علشان نفذها… انا نعرف قانون وخدمة وشركة وتقنية ومقالات وبودكاست واسلوب ونقاش حضاري
🔥 غير راك تصدق روحك
**************
جميلة والله انا عادي ومش مصدق روحي وندور في شيل بنزينة..جهتك هل موجود… انا ما درت اختراع… كلها هاشتاق وكم بوست وبكرا تلقاني نشري في كابتشينو دبل ومافيش حد قدم ليا بنقة بنزينة رشوة
لو في اتهامات اخرى انا فاتح باب الاسئلة
ولو بجديات راشيني راهو عبيت سياراتي بنزينة على الاقل: يا #شركات_الاتصالات_الليبيةنجت