في نوع من التطور صاير في ليبيا اخر اربع سنين عاجبني

ومانبي نكون سلبي على الدوام

بس الاعتذار حلو ويخليك تطفى

تصور ان شركة زي المدار تعتذرلك وترسلك جيجا

وليبيانا يديرلك تطبيق ويرسلك جيجا هدية بس لانك زبون

وشركات خاصة يديروا في عروض وتطبيقات زي دار الحجاب

ومطاعم وقهاوي وشركات توصيل

في ثقافة الابتسامة والاعتذار واستعطاف الزبون

اليوم تعاركت مع صيانة النظارة لان خامة المرشة تاعبة… حلف لي انه يصلحه بعد ما رفض في الاول… وانا قلت له بنخلص وقعد يحلف…

تجاوب القطاع الخاص مع الزبائن….

تصوروا شهر 9 الماضي يطلع متحدث باسم ل ت ت لمدة اكثر من ساعة ونصف يهدرز مع الناس

وليبيانا الاسبوع الماضي ترسل استبيان

والمدار ترسل اعتذار

هذا الصراحة تغيير ايجابي في الثقافة والاسلوب في البلاد

بعيدا عن مقارنة الخدمات والافضلية والاسعار…