لو كانت شبكة LTT تتحمل عروض ضعف الباقة وتجارية تتحمل… ليش طوال السنوات الماضية الشركة عندها ازمات مالية وهي رابحة الضعف
بلاش نسألو على حاجات مالينا علاقة بيهم
لو اليوم اعطيتني ضعف الباقة جيجات هل تضمن لي الجودة ولا راح يصير فيك كيف المدار من لما خفضت اسعارها لنص وهي تمر في ازمة استقرار وجودة…
طيب مش مرات ديرلي عروض ضخمة وباقات دبل واداء الشبكة يكون ميت… يعني 100GB ما نقدر نتمهم حتى في خمس شهور لان السرعة راح تكون 1mbps مثل ليبيانا
اسئلة تجاوب عليهم الشركة… مخلينا الناس من امس تتخيل
حتى الاصفر قريب يجي وانتم ما درتوا شيء…
ازمة الشركات الليبية كلها ادارة الاعلام يا اما فاشلة او مزاجية او غير مهنية او مكسدة او مش موجودة او دورها غير فعال…
ويخلطوا في الاختصاصات بين التسويق والدعاية والتجارية والاعلام والفنية وحتى ادمن الصفحة عنده راي…
بصراحة في ظل اللخبطة اللي صايرة الواحد يسكت ويتفرج مدام عندنا ناس تطلع في post text الساعة 12 ليلا ليس عليهم حرج
#ليبيا_للاتصالات_والتقنية
#شركات_الاتصالات_الليبية