لا مؤثر ولا اي شيء
انا انسان عادي جدا… نبي نصلح اي حاجة نشوفها غلط او مكسرة اوفوضى… نكتب في مدونتي وصفحتي عن افكاري… ليا اربع سنوات عايش في هدوء وعارف ان ممكن تصير الزحمة هذي…
في اي لحظة ممكن ناخذ اجازة ونرتاح سنة او سنتين او شهور…
غير على سيرة نسمع هلبة ناس تضحك وتقولك يسحاب روحه مؤثر… طيب انا مش مؤثر… بس نحاول نكتب وندير انتاج صوتي ومرئي مؤثر… ونحاول نصلح اشياء على أرض الواقع… وعلشان نخشوا في نقاش… قدم لي مشروع زي هذا وبعدها نحكوا…
مافيش وصفة علشان تكون مؤثر او مشهور وليست هدف… راهي صدفة… واكتب الصح وقول الحق وخليك منصف وحيادي وموضوعي… وربي يسلمك… يسحابوا الشهرة طيبة ولا انك تكون مؤثر فيها فايدة….
لما تعرف ان كلماتك قد تضر او تنفع تقعد معاش تتكلم وهذا اللي صايرلي… لدرجة مرة لت نكتب على جهة… ناس دارت عليها عدوان شتائم وانا كان قصدي نضحك…
خلاصة الامر… وكالة مكافحة الوهم مش عاجبهم اللي ندير فيه… فحبيت نقوللهم انتم مش موجودين اساسا وماعندكم ليش تنصحوا الناس اني وهمي وتوا ننهار لاني يوم بنوقف كتابة بنوقف من تلقاء نفسي 😉😉😉😉
ونرجع لمعيشتي الهادئة بعيدا عن تن تن تن تن الخاصة بالاشعارات المزعجة