مؤسف اني ما نلقى اي دعم او وقوف حتى بكلمة من طرف اي شركة والعاملين فيها واللي نعرفهم كويس لما واحد مريض نفسي او سارق او نصاب يحتال على الناس
في شخص ليه سنين في ليبيا يفتح في صفحات وينصب على الناس باسم #ليبيانا والمدار ول ت ت..
- اكتب رقم هاتف لنفتح لك باقة فور جي
- ارسل دينار رصيد لهذا الرقم لتتمكن من الحصول على انترنت مجاني
- ليبيانا تبحث عن موظفين براتب مجزي 1900 دينار وياخذ كلمة المرور بتع الفيسبوك
- وزارة الاقتصاد تبحث عن موظفين وياخذ كلمة المرور بتع الفيسبوك
- وزارة الاتسمار تبحث عن موظفين.. وياخذ كلمة المرور بتع الفيسبوك
- مصرف التجارة والتنمية لتفعيل الخدمات الإلكترونية
- مصرف الوحدة لتفعيل الخدمات…
سكرت مواقع وصفحات ومزال نسكر ونتصل وبرصيدي ونعبي في سكايب مكالمات دولية وفاتح support ticket مع Facebook
الغريب اللي اليوم شامت لما هذا المريض النفسي داير اعلان ممول عن صفحة مسيمها “امين قاهر الكورونا” وينشر في سموم اجتماعية اكثر من اللي يبلغ…
توا لما واحد يقدس ارصدة وارزاق الاخرين ويوقف ضد السرقة والنصب والابتزاز والتصييد…مش طالب اي شكر او دعم ولا نشوف اي حاجة منكم..
بس توصل انك شامت في ادعاء كاذب اني مريض وتشتم وتسب وتقول يستاهل
طيب حسبي الله ونعم الوكيل
كم بيفتح صفحة…كلهم نقدر نسكرهم ونخسره فلوس الاعلانات..
كم بيفتح حسابات.. كله هذا ساهل
بس اخلاقكم كموظفين وناس حاقدة وكاره هذا اللي واجعني
واشكر كل شخص نعرفه او ما نعرف او صديق او مستخدم على فيسبوك وقف معاي ومشي نشر ان صفحة مزورة وكلها ساعات وينتهي الامر وراح يفتح غيرها وراح نسكرها…
بارك الله فيكم جميعا… وموقف الشركات زي الزفت اعلاميا وتسويقيا…
لا قادرين توقفوا صفحة ولا قادرين تقولوا كلمة…
شوفوا حاجة…. كانت تبي تسكتني او توقفني على اللي ندير فيه ماعندك الا تقتلني
واسكرت صفحتي… ما تقدر تسكر موقعي… سكرت موقعي وقدرت عليه…ماتقدر توقفني نطلع فيديو….
موقف الشركات مني سيء جدا والشماتة من موظفينهم احرف…
منورين ✌🏻️✌🏻️✌🏻️✌🏻️
وامين صامد وقاعد على قلوبكم يا تتحسنوا يا تفتكوا من اللي مسببين تخلف عندكم
شركاتالاتصالاتالليبية
وصورة لصفحة #امينقاهرالكورونا