حسب ادعاء المخترقين فان هذه العمليات هذه نوعية وهدفها الاضرار بالمصرف… ولكن وضحت لهم ان الضرر يتم على الزبائن وليس المصرف… الحوار كان طويل لمدة 41 دقيقة كتابة حاولت نصحهم…
بس في نقطة واحدة قلتلهم صح لو بديروها… مدام المصرف مش قابل اي مسح vulnerabilities او رافض يدير اي digital forensics investigation تحقيق رقمي جنائي لكل الجرائم الإلكترونية اللي صارت… فالمصرف يستحق ما يصير فيه…

مش معقولة بنك على اساس عالمي وعلى اساس فيه اكثر من مليار دينار اموال مودعين وغيره الودائع.. ومنظومته قاعدة aspx من عام 2012 بدون اي update او fix او patches ويديروا في bypass بكل سهولة وعلى اساس تعاملات إلكترونية امنة…
نصيحتي لأي حد يستخدم في وثبة او الخدمات الإلكترونية لمصرف التجارة والتنمية ان يوقف استخدامها.. وراح نرسل للمركزي والرقابة والتفتيش عن المصارف ان المصرف مسؤول عن اي سرقة رقمية تصير وان مش مهتم بامن المعلومات ولا المخاطر الالكترونية…

عار على المصرف كل ما يحدث وفي الاخير تلقى كل التوثيق والايميلات والمواقع والادارة الرقمية والارقام السرية عند واحد او اثنين من الموظفين…

هذا ليس بنك امن اطلاقا ولو فعلا في ادارة في المركزي تتابع تغرمهم عشرات الملايين…

اي حد يصيرله سرقة من البنك مش الهاكر هما المسؤولين… لان المخترقين لقوها جاهزة والابواب والنوافذ مفتوحة والقانون لا يحميك…
اطلب حقك من المصرف وبقضية وطالب بتعويض 30,000 دينار… يا يديروا منظومات e-banking زي العالم يا يسكروها… اما تقعد على الشارع فلوس الناس ودايرينها جو عصابات.. واللي ينسرق منه شيء يقوله القانون لا يحمي المغفلين.. على اساس HSBC انتم…

وصلوها للمصرف لان الجاية مني اصعب يا مصرف التجارة وراح نبلغ في تسيبكم… مش مستعد ندفع انا والناس ثمن اهمالكم… ايه شغل مجتمعي ونوقفوا معاكم بس مش نخدمولكم بلاش علشان تقصيركم…
بالله لما المخترقين يخشوا ويقولك كلها على الشارع والشعب يلقى الف صفحة والمصرف ولا كلمة منو الغالط

تعديل:
المجرم مجرم والسارق سارق حتى لو هو مش واضح قدامنا…
وعندي مجرم واضح قدامي وهو من ترك الابواب مفتوحة طوال هذه السنوات…
الكلام اللي فوق مش تبرير لأي سارق فعلته انما توجيه الاتهامات في اكثر من اتجاه…
نفتح باب البنك والخزنة بدون حماية ونقوللكم يا حرام مش ذنبي… في لصوص خشوا وسرقوني.. دوروهم..

#البنوك_الليبية
#المصارف_الليبية
#مصرف_التجارة_والتنمية