في نقطتين بنقولهم:

اكثر الناس اللي اشفق عليهم اللي يضحكوا من اي وعي او معلومة او مادة نقدمها… مثل تامين اكونت فيسبوك خبر حصري معلومة فنية عامة…
كان ربي عطاك الوعي والقدرة على التعلم وفاهم الاساسيات في غيرك مئات الالاف ما يعرفوا وان نعلمهم مش عيب… ومش لقطة تقعد تضحك على جهل الناس…

ارتقي باخلاقك ولاحظت الشيء هذا في اللي متعلمين هلبة… ومتعلمين كويس وخير مني بمراحل..مستوى سخريتهم من اللي نقدم فيه كبير… انا حقيقة ما عرفت ليش يضحكوا.. ولو بالعلم نخش انا وهما في نقاش ويطلعوا مش فاهمين تخصصهم كويس وعندهم نقاط ثغرات… وهذا مش قوة مني بل هو ضعف وغرور وتبجح من طرفهم

فيا عزيزي ما تضحك على عدم معرفة الناس فانا زيهم وانت زيهم وكلنا نقعدوا نتعلموا خصوصا في مجال التقنية

النقطة الثانية ان امين يدير في هذا كله طالب شهرة::: اعتقد وضحتها هلبة… بس بنقولك حاجة… انا دافع خلال السنة هذي من اجل ايصال الوعي والمعرفة لناس رقم محترم لو كنت دفعته اعلان ممول راهي صفحتي فيها 300-400 الف معجب ومحصل الشهرة بدون عناء الوعي والتعليم…

انا نعطي في مادة للاجيال والناس وندير في اقصى مجهود:
Telegram Group #الوعيالتقنيللجميع
Facebook Group مشاكل وحلول الانترنت
Facebook Page : Amin Salih
YouTube Channel : Amin Salih
Podcast : #Tech_Podcast
Blog – Website : https://amin.ly
وغيرها منصات وقنوات وطرق..

يعني المجهود كبير والنتيجة فخور بيها… والتشجيع كبير والمجتمع وعموم الناس للاحسن وما نقول في كلام تاليف ولا كذب ولا وهم.. ننشر في حقائق وعلم ومعرفة وأخلاق ومستعد لنقاش العلمي وبالمصادر… تبي تكون معانا في هذي العملية اهلا وسهلا
ما تبي ادعي لنا بالهداية

وشكرا لكم

اللي معانا ديرو ❤️
والكارهين اجمعوا ديروا 😂