بحكم الكلام وجع موظفين #بريد_ليبيا احدى الشركات التابعة لشركة الليبية القابضة… واللي صاير بينهم صراع ادارات ونفوذ وهذا مش شورنا

ديوان المحاسبة في تقريره لعام 2017 قال كلمته في حقهم…

توا مضايقين من كلام الحق ان 6 مليون في الشهر لعدد 2500 موظف هلبة برشا واجد… في حين ان قيادة الشركة ورئاسة القابضة والديوان قال ممكن تشتغلوا بنصف القوة وبنفس الانتاجية.. وانها شركة متعثرة

قالك البريد وصل اسئلة واجابات امتحانات الثانوية العامة

البريد تعامل مع بريد التعليم

البريد تعامل مع مراسلات الدولة

البريد فتح مقراته لتغيير الملكية الاشتراكات لارباب لكل من ليبيانا والمدار

البريد داير توصيل دولي

تي شنو هذا كله بلاش…. اخلص وخلص موظفينك علشان ما تكون متعثر

مافيش حد شجاع في كل هذه الشركات والقطاع يقول لا لتبذير… لا للغلط.. نعم لصح… تعرفوا ليش الناس حبت ديوان المحاسبة… لان كشف كثير من الكوارث..

علشان تعرف روحك مريض او فيك علة لازم تتألم وتتوجع وعلشان تعالجها لازم ادوية وتحسين وضع صحي وتغير اسلوبك وايقاف الغلط ومرات توصل للبتر…

وشكرا لكل المدراء اللي تواصلوا معاي من بريد ليبيا وكلامهم متماشي مع هذا الكلام مع بعض الضيق… انا مش ضد حد يشتغل… بس انا ضد الغلط والاستمرار فيه

يتبع…

#شركات_الاتصالات_الليبية