من 2012 وفي اصوات كثيرة تنصح LTT بتغيير نظامهم. Billing system

والشركة مسكرة راسها بحجة ان نظام قديم وهلبة شغل وبيانات ملايين الحسابات…

نظام الاستحقاق او الديون او المدفوعات في الشركة منهار جدا وعايش بالترقيع من زمان…

يعني موضوع الترحيل وقعدوا فيه توا قريب سنة مافيش جديد

موضوع ان الرصيد يخصم او الجيجات تنزل والجهاز طافي من ايام الواي ماكس وانا شاهد عليها…

لو في ادارة شجاعة دير حل جذري وكامل ونهائي لنظام المحاسبة في الشركة..

وكان موقع عقد مع شركة x بلغها لو ما تم تحديث المنظومة بالطريقة الصحيحة يعتبر العقد لاغي..

توا بيقولك انت برا وما تعلم شن المآسي اللي نعانوا فيها واللي ايده في الميه مش زي اللي ايده في النار

طيب حتى انا رصيدي يوجعني لما ينخصم او جيجاتي ضيع نتيجة bugs or million of bugs

اللي نعرفه ان في تسييب واهمال وعدم انضباط ومش ثادرين تعترفوا بالخطأ ولا تعوضوا الناس ولا تردوا على صفحتكم ولا درتوا Call center او درتوا customer care حتى علشان كروت مخبشة نتيجة سوء تصنيع..

المهم بكرا رمضان ورمضان معروف عليه معاش حد يخدم في ليبيا

رمضانكم طيب

كل عام وانتم بخير

#شركات_الاتصالات_الليبية

#ليبيا_للاتصالات_والتقنية

#LTT