ايام كان في شراكات بين مصرف الصحاري ومصرف bnp الفرنسي

وكان شراكة بين الامان ومصرف برتغالي وايشي شراكات تركية والمطار تبني فيه شركة برازيلية الخ

وكانت الدنيا حايسة وتنمية وقفزة ضخمة متاخرة جدا

فجاة نلقوا في الشوارع اعلانات فودافون… 2010

بعدين عرفنا ان كانت في بوادر من سيف يجيب فودافون وبعدها داروا هيكلة ضخمة حديثة للقطاع كرد ومنع من قيادة الدولة والدولة العميقة… وبعدها قالوا هذي شراكة بين المدار الجديد وفودافون.

تاسيس شركة البنية 400 مليون.

تاسيس شركة هاتف ليبيا واعطاءها ايجارات الفايبر بمبلغ فلكي بالقانون.

حل الشركة العامة للبريد.

تاسيس القابضة وضم كل الشركات تحتها.

اقرار قانون الاتصالات رقم 22 لعام 2010.

دارت شركة الجيل الجديد مشغل افتراضي على شبكة المدار الجديد 096.

شركة LTT دارت مشغل افتراضي على شبكة ليبيانا 095ليبيا فون.

تسريح الموظفين اللي بلغوا سن التقاعد او التقاعد المبكر او اعطاءهم اخر ثلاث سنين معاش ويتقاعدوا… واللي بعدين رجعهم انور الفيتوري وزير الإتصالات في 2012 وعددهم 7000 موظف لهاتف ليبيا والنوعية والبنية والبريد

ومن يوم داروا القابضة والسلاطة هذي وتداخلت الاختصاصات والمهام ولت فوضى وكل واحد يسحاب روحه محمد معمر… هو ايه تسحاب روحك محمد معمر… بس كل الموجودين اللي توا ما حد فيهم بوه معمر 🤣🤣🤣🤣

ما علينا… تعرفوا بمن طاحت في السلاطة هذي كلها… LTTكانت تكتسب قوة خاصة… ومزايا فقدت واصبحت الشركة اليتيمة

تعرفوا ليش نقولوا في الكلام هذا… لان اصبح تاريخ ومعاش فيه نقاش بل فيه تفاصيل وممكن حد يذكر ليا حاجة نسيتها…

#شركات_الاتصالات_الليبية

منشور مش سياسي… مش سياسي مش سياسي

نذكر وقائع من تاريخ ليبيا في عام 2010… احداث حدثت ولا يوجد فيها اراء لا مع او ضد