والله ما نفهم في الاقتصاد بس نذكر في 2008 مجلس التطوير الاقتصادي NEDB جابو خبراء وقالوا كيف ممكن ليبيا تستثمر الكنز اللي عندها “النفط” وتولي زي قطر والامارات عندها استثمارات خارج النفط والغاز

كان اقوى حل ومذهل لكل الحضور ورائع… والحل مصدره بيوت استشارات عالمية مش ليبين او جهات عامة ولا نظام سابق

قالوا ديروا اضخم مطار واضخم اسطول طائرات وتكون ليبيا النقطة الواصلة بين الشرق الاوسط واسيا وافريقيا واوروبا وامريكا وامريكا الجنوبية

يعني عندك نفط وتكرر وقود طيران وتولي نقطة ترانزيت باضخم مطار ونقطة انتظار واسطول… وعلى هذا الاساس اعطي الاذن لليبية والافريقية بانشاء اسطول مبدئي بعدد 24 طيارة ضخمة وبناء مطار جديد…

المنشور هذا مش سياسي ولا يوجد منه اي غرض الا ان الحل مزال قائم ان ليبيا تكون نقطة عبور العالم كله…

بصراحة الصورة ألمتني كون ان كل طائرة A330 حقها يساوي اكثر من 250 مليون دولار…

جل اسطول الافريقية منها احترق ودمر وتعطل وتقريبا مزال عند الليبية وحدة او اثنين…

أسف