سعر احدى الطائرات اللي خرجت اليوم في القصف على مطار معتيقة 100 مليون دولار.
الطيران في دولة مثل ليبيا حل استراتيجي مش للمساومة ولا الغباء… هذا رزقي ورزق 7 مليون ليبي يعني لما يكون اسطول ليبيا في شركتي الافريقية والليبية 20-25 وجلهم A330-A320 هكي فقدنا 2-3 مليار دولار…. هذي فلوس هلبة ما تقولي طز.. ما تقولي تتعوض.. هذي فلوس انحرقت هذي بلادك.. كان انحرقت الطيارات كلها معاش راح تلقى كيف تتنقل لما تم الحرب لان مافيش اي خطوط مستعدة تمشي لبلاد فيها حرب او كانت فيها حرب.. ولا راح تقدر تشري طيارة جديدة لأن قائمة الانتظار بالسنوات..

طبعا A330 عاشر اضخم طائرة في العالم اللي كانت تملك منها ليبيا 9 طائرات وتوا مزال اثنين او ثلاثة تساوي 250 مليون والبقية احرقت او تعطلت.

ناهيك عن التامين المضاعف لو بتاجر طيارة وحتى هو راح يقعد في الانتظار.. طبعا هذي شركتين زي الليبية والافريقية المملوكات لشعب الليبي.. الطيران امر سيادي لو تدمر فانت فقدت جزء من هويتك ومكانتك وعنوانك وبلادك واشياء لا تعوض في زمن قصير.

بلاش نقاش سياسي او عسكري او خلافي او عراك … الامر وطني جدا.. وربي يرحم الضحايا.. ويسلم الجميع

ربي يهدي ويفرج