سجلوه المنشور هذا وديروله 💾 save post
العالم كله في مرحلة حجر.. الوضع سيء جدا واحتنال يفتحوا ويتعايشوا… واحتمال يكون في عقار يمنع الانتشار او يقوي المناعة او يمنع حدوث المرض 🤒🤒
العالم وعنده قيادات 👩✈️ودول ومراكز ابحاث ومصانع وهما ادرى بيه…خلينا في انفسنا..
نصائح مني عن تجربة وعن سؤال وهذا اللي عرفته وندير فيه:
حافظ على اسنانك 🦷 واغسلهم مرتين على الاقل يوميا… انت مش في باب تسوس او خلل في الاسنان.. واغسلهم دقيقة..
حافظ على التغذية السليمة🍖🥬 وتبعد عن الدهون الغير صحية او قلل منها ركز على الدهون الصحية والبروتين والكربوهيدرات والخضروات والفواكه🥝🍉🍇..
بلاش من اي رجيم الفترة هذي لان مرات يخسرك مواد مغذية🍋🥕🥦 او ينقص من ادائك ومناعتك ويكون سبب في اصابتك.
بحكم الرياضة شبه محدودة والجيم مسكر.. الحركة 👀🏃♂️🏃♀️اللي ديرها بركة جري هرولة رفع ثقيل بس تكون فاهم بالزبط الرياضة الصحيحة اللي ما ديرلك تقلص.
المعقمات والكحول والبخاخات ومواد التنظيف مهمة ولكن بدون افراط
ما تكثر من الوركينة او الكلور او كلوركس لان فيها انبعثات غازية ممكن تقتلك او تسبب لك اختناق او ضر رئتك وتجي كورونا تلقاك واتي..
لما تمسح الارضية بالكلور او الوركينة خليك حذر لان مرات تخلي ملابسك فيها بقع بيضة او تلعب في ملابسك🧦 وانت مش ناقص تفقد ملابسك 👔👖في الازمة..
اغسل الصحون🍽 وامسح الارضية ورتب الحوش حتى لو كنت شبوب فلو ما كان عندك اجخزة رياضية فهذه تعتبر رياضية وتغيير مزاج..
لو في اطفال صغار👶🏻 لاعبهم واحذر 💁🏻♀️🤷🏻♂️انك تصيبهم او يطيحوا منك مافيش مجال توا ان طفل ينظر وتمشي بيه لمستشفي تلقط كورونا.
ما تنسى الكحول في السيارة 🚘🚗لان الكحول مادة قابل للاشتعال وممكن تحرق🔥 السيارة🚙
حافظ على نفسيتك… تفرج على مسرحيات واشترك نتفليكس او شاهد او ابل tv 🖥️او اقرا حاجة او اكتب حاجة… او رتب تلفونك 📱او تسلى واسترجع ذكريات صورك🎇🌇🌆🌅🎇🏙🏙 القديمة او هدرز مع اقاربك..
استهلك وقت كويس في الانترنت💻 على فيسبوك وانستقرام وتويتر وتيك توك وسنابشات ويوتيوب… او شاشة التلفزيون📡… خوذ راحتك وعبي نت براحتك… قعادك في المنزل مهم..
تجنب المشاكل مع زوجك👨🏻 او زوجتك👩🦰 او اخوك👦 او اختك🧒… كلنا واصلين حدنا وواصلتنا صفار😤😠… كل واحد يكبر عقله وعادي هوا ينفجر انت اسكت… انت تنفجر هوا يسكت وهكذا وبلاش استفزاز لبعض😡… الوضع مش وقت عراك🤬…
ما تنشر اخبار كاذبة ومغلوطة🤥🤥… وانشر النكت والمقاطع والصور المضحكة..
كسد على نقالك 📲 احذف اي صور زايدة او رتب الاسماء وتاكد من صلاحية الشفرات ووضع الانترنت وكم فيه ورتب التطبيقات
حسن علاقتك مع الله سبحانه📿 صلاة وقراءة قرآن🕋
اهتم بنفسك واعتني بنفسيتك وصحتك العقلية وطمني عليك وادعي لربي🙌🕌 يزيل الكرب اللي احنا فيه..
سامحوني على الاطالة⌚️