اللي يقولك هذي حملة فاشلة وعندها اهداف وتيارات وشخصيات وضغوطات وراها، والله ما وراها الا انزعاج مواطن باسمه وصورته ومعاها الالاف المواطنين. وكان غير حاب تفسد وتقول مش هكي حملات الاصلاح والمطالبة… بلغوه ان هاشتاق #تسقط_ادارة_LTT واصل لعشرات الالاف على فيسبوك والالاف الشيرات والشركات كلهم سمعوا وادارات ترعش ومدراء يفكروا.. وموضوعهم ملخبط على الاخير…

يكفي ان منشور عندي انا فقط وصل 100,000 حساب ليبي و500 شير ومنشورا في قروب مشاكل وحلول الانترنت في ليبيا وصل ضعف الرقم هذا…

الناس قالت كلمتها من حرقة في نفسها لا مدفوع لها ولا اعلان ممول ولا دينار انصرف فيها، الناس واجعها بلادها – نتكلم على الاتصالات – انا مادرت شيء غير نسقت الجملة ومطالب الجمهور الذين طفح بهم الكيل، ارسلت لشركة #LTT زوز ايميلات وارسلت لسراج وارسلت للهيئة وارسلت للقابضة.. وكان بعد هذا كله مزال قاعد تتكلم وتطعن ولا مش واقف معانا ومعانا فوق من ربع مليون مستخدم ليبي… فراجع روحك. المشكلة فيك انت وادارة LTT

الموضوع ماشي وراح يعتذروا وراح تتنفذ المطالب قبل نهاية دوام الأحد…

شركات الإتصالات الليبية