اللي يقولك هذا اجندة… وهذا ماجور وهذا شادها كل يوم ورا شركة اتصالات وهذا يدير في حملات غير معلومة المصدر وهذا ليه سنتين مكسدنا على فيسبوك ويوتيوب وتويتر وانستقرام ولينكدان
وداير قروبات توعية
ويدير في حملات #الوعي_التقني_للجميع
ومش راحم ولا ادارة ولا مصرف في الدولة ويهدرز في التقنية ليل بنهار…
ومرة يشكر ومرة ينتقد ومرة موضوعية ومرة عراك ومرة تسقط ادارة ومعاش فهمناه
واللي يقولك هذا مدعوم من برا وشركات برا…
واللي يقولك هذا مدفوع له ويبتز فيهم ويبي تعيين..
وهلبة كلام
قسما بالله وحلفي صادق.. ندير فيه علشان الله وبلادي اولا وثانيا يكبر ولدي يلقى بلاد احسن من اللي عايشين… وثالثا خير في الناس اللي ما لقت من يوريها ويعلمها.. ويوما ما راح يرجع وينعكس عليا الوعي هذا ان نلقى الناس متعلمة ومتحصنه وقادرة تستوعب التقنية…
والله الشهرة ماحصلت منها الا المشاكل والسبان… وعراك الشركات انا خسرت فيه أصدقاء وناس… بس انعكس على الصالح العام بعروض وتخفيضات ووعي وعادي شن المشكلة… الصديق والصاحب اللي ما يبي يطور او يطور خدمته لناس بسلامته… غاية اكبر واعلى..
حياتي ابسط من اني نكون متهم بالف اتهام وطعن وتشكيك.. وراهو ليا في الموضوع هذا سنة ونص شفت كل انواع الشتيمة والتهديد والطعن والاهانات والتشكيك والتحليل الغبي الخيالي…
وكانك عليا انا راح تم الحملة هذي زي اللي قبلها وراح نرجع نكتب مقالاتي في التقنية ونتعلم برامج واشياء جديدة ونعلم الناس ونعيش حياة احسن مع عائلتي وولدي ونشوفله مستقبل احسن في البلاد هذي..
هذا توضيح بس لمصلحة من نخدم