باقات اكثر من سيئة
للعلم كانت قبل unlimited يعني غير محدودة لكل الباقات…

اعتفد ان #LTT توخر في الزمن… يا تجارية #ليبيا_للاتصالات_والتقنية اليوم في تحديثات للالعاب تتخطى 100GB وانتم لا درتوا ADSL زي الناس ولا فتحتوا مقسمات ومتحشمين من #هاتف_ليبيا المنهارة اساسا.
يا شركتنا الموقرة ابل ترسل كل ثلاث ايام تحديثات بحجم 2-3 GB…

يا شركتنا الموقرة لما تكون عندك ADSL وخطوط ارضية مغطية ليبيا كلها في 2020 من حقك دير الجيجا 5 دينار وتحول التحميل الليلي المفتوح.. بس طالما الناس معتمدة على 4G وانت واخذ منهم سنة مقدما عيب ومش صح تجاريا انك تسكر التحميل الغير محدود… اللي درتوه توا اقل من شركات هاتف محمول وهي #ليبيانا و #المدار_الجديد واقل من كل الشركات الخاصة…

كيف تفكروا بس… العرض هذا لا يلبي اي رغبات للجمهور وبالطريقة هذي انتم دمروا في الشركة وتفقدوا فيها فس الزبائن وسياسة تسويقية وتجارية كارثية.

وهذا سببه نظر اداراتكم لمطالب الجمهور انها حرب وكره وكيديات واننا مبعوثين من اطرف كارهين ليكم… بس الحقيقة شوف الناس شن تقول عقب كل اعلان…
تصور انك كنت اغلى من هكي قبل 1 فبراير الماضي والناس ساكتة وراضية علشان التحميل الليلي واقترحنا عليك انك تخليه unlimited بباقة مفصولة قيمة 50 دينار….

لو انا حاطه في الحوش وللعيلة نحتاج نعبي كل خمس ايام مرة…
عموما البلاغات في الديوان والرقابة قاعدة ماشية وتوا نسقد وحدة ثانية…

لمن سألني لماذا #تسقط_ادارة_LTT دونا عن غيرها… اعتقد هما جاوبوك توا