المشروع كان واعد في 2008-2009 ولكن #هاتف_ليبيا خارج المنظومة الزمنية للعالم تتوقع ان سرعة 2mbps مزال مفيدة

لو القابضة او الوزارة او الادارة المالية او الديوان يفتحوا تحقيق يلقوا الخدمة ماشية بخسارة والشركة تصرف عليها على فراغ، لا الدولة استفادت ولا الشركة ولا جمهور الزبائن هي مساءلة وقت و #هانت تنتهي.

يا ريتكم درتوا شطارتكم وجهدكم في تطوير المقسمات وتصليح الخطوط الارضية وتوصيل Fiber Cables لمختلف شوارع المدن الليبية الرئيسية او وضع خرائط والعمل حتى على خطة عشر سنين… المهم حتى اليوم يوجد 5700 موظف جلهم من كبار السن ياخذوا في مرتبات من اجل اللاشيء والقانونية والرقابة ساكتة لانهم يبتزوا في الشركات علشان سداد المرتبات واي شركة تتكلم يقطعوا عليها خطوط الفايبر بحجة الصيانة

اكثر من 100 مليون سنويا تصرفها هذه الشركة مرتبات ومثلهم في شركة البنية ومثلهم في النوعية واقل منهم بقليل في البريد… كلهم من فلوس الناس… ولا اعلم ان كانت حرام ام حلال انك تاخذ فلوس الناس بدون ما تخدم

لا تشتروا هانت اللي انهات لان يوم يسكروها ما حد راح ياخذلك حقك.. وما تقولي جيجاتهم فيهم البركة ويقعدوا شهر كامل زي wimax… هذا لسبب بسيط… ان السرعة ضعيفة جدا.

عناد وقلة حكمة وعنف وفساد مال عام… وانا قدها الكلمة هذي… نعم هاتف ليبيا وادارتها بددت اموال كثيرة في بند المرتبات دون نتيجة وهذا ما يعد فساد ادارتها وذات يوم سنلتقي معهم في ساحات القضاء… ولو هما معاهم حق وظالمهم دونهم للقضاء..

بتقول شن مصلحتك والكلام هذا هي اجابة وحدة… واجعتني بلادي توا وبعد عشر سنين..