قعدت نفكر كيف جماعة سداد ربطوا خدمتهم بمصرف التجارة والتنمية خصوصا ان جماعة سداد عندهم هوس امني غير عادي ويخافوا انك توقف قدام المرايا وتفتح سداد “مرات المرايا تشوفك” فدايرين لك 2FA SMS + password + pin code + session timeoout + trusted devices + logout from all devices
يعني من الاخير خايفين على الاكونت اكثر منك انت ومش عارف ليش over… بالمقابل مصرف التجارة والتنمية مش معدل اطلاقا لا على spam ولا phishing تصييد ولا على النظام طافي او المنظومة واقفة… يعني اهمال كارثي… فقلت هذي صعبة هلبة على جماعة المدار

قلت كيف داروها؟؟؟؟؟

توا درت الخطوات وانا كلي حذر لأن #مصرف_التجارة_والتنمية ما ينقربش الا انت صافي الذهن وشارب قهوة ☕…

لقيت جماعة #المدار_الجديد بيشحنوا محفظة سداد عن طريق خدمة ادفعلي 👏🏻👏🏻👏🏻👏🏻 برافوا… بصراحة برافوا… اللي خطرت عليه الفكرة داخل الشركة عندك معاي كريب او بانكيك من 66 او كافي لاتي… برافوا…

استغل خدمة من اجل شحن المحفظة ولم يعتمد على تعبئة مباشرة او خلل يقع فيه مصرف مع شركة اتصالات…
يعني حاليا #خدمة_سداد دارت زي اي محل وتتعامل بادفعلي علشان تشحنها

💡💡💡💡💡💡
اهو ليبيا فيها ناس تفكر وتبتكر في حلول مع العلم عندي تحفظ على النظام الامني المتبع في سداد وعندي تحفظ عالي على 2+2% بتع التحويل من حساب لاخر

كذلك احيي جماعة design على موضوع البطارية… عجبني هلبة على اساس كلمة تشحن وموبايل والبطارية مرسوم عليها سداد… بس مفروض العكس، البطارية عليها تجارة وتنمية والموبايل سداد…. لان البطارية مرات نلوحها بس سداد مانلوحها 😅😅😅

تفاصيل العملية في التعليقات