– انا لا اعمل ولم اعمل ولن اعمل في اي شركة اتصالات او قطاع اتصالات.

– قضيتي هي الوعي لشركات بمطالب الناس، والناس بمطالب الشركات وتقليل الفجوة بين الطرفين.

– كان مستني مني اني نسب شركة او نسب مواطن او جهة فانت غالط.. من اول يوم خذيت نسق الاخلاق وساستمر عليه.

– لما ندير مئات الفيديوهات ومئات المنشورات المفصلة اللي تعلمك كيف تستخدم الباقات والخدمات والبرامج وتشوف التغطية بتمويل شخصي وصارف الالاف الدينارات مش من حقك تقعد تصنف فيا.

– لما نبعث مئات الايميلات لكل من #الهيئة_العامة_للاتصالات_والمعلوماتية #القابضة_للاتصالات #المدار_الجديد #LTT #ليبيا_للاتصالات_والتقنية #ليبيانا #هاتف_ليبيا

ونقعد نقارع فيهم بايميلات وعراك، وتنفتح فيا الجهات بلاغات “تحريض-تشهير-تخريب” وتسقط البلاغات قانونا…ونقوللهم احنا غرضنا واحد وطن ومواطن وخدمات وحياة كريمة قدر المستطاع من كل الاطراف مش معناها انا نقبض منهم.

– لما نقولك انت غالط لما ما تامن حسابك او ما تعرف الباقة الخاصة بيك او ما تشري شفرة مش باسمك او تخالف القانون تتحاسب ما تعتبرني عدوك وفي صف حد، وتقعد تصنف فيا.

– لما نقعد نشوف في الامر من جميع وجهات النظر “العالمية والمحلية والفنية والمالية و طرف القانون وطرف الوزارة وطرف الربحية وطرف الصح وطرف المثالي ” هذا لا يعني اني نبدل في الطارقات. بل هذا يعني اني نقدر نجيب حق الناس وحق البلاد، ونطور من اداء الكل واعتقد عندي نتائج لما نشوف المهام المحققة من ايميل ارسلتها العام الماضي..

– لما انت افضل شيء تقدر ديره هو الشتيمة وتقولي انت تداهن في الشركات ورشوك وعطوك… اعلم اني انا اللي ندفع في فلوس من عندي علشان انت يوصل صوتك على الاقل… ودافع وقتي… وراهو مش مستفيد شيء الا ولدي يعيش في بلاد احسن من الانهيار اللي توا.. انا نفكر في المستقبل كان انت تفكر في خمس دينار اليوم بتدفعهم. انا نفكر في خمس سنوات

– لما يقولي عطوك وانت امس كان كلامك نفتحوا محاضر، وناس ما تشتغل، واليوم تقولي باقتي ما نعرف نستخدمه وتقعد تفسر من راسك وبفهمك المشوه مش مشكلتي انا.. اخر 24 ساعة ارسلت ثلاث ايميلات ينفتح فيا بلاغات فيهم وقت ما انت قاعد خلف الكيبورد تشتم فيا والله مانك مغيير حاجة بس انا نقدر ندير تغيير.

– بتكرهني بتشكك فيا انت حر… في اللحظة اللي انت تشتم فيها واللحظة اللي توا تقرا…راح نطلب مكالمة مع مدير LTT ونفهم منه شن صاير معاه ولو رفض بعدين نتخذ اجراءات أخرى..

وفي الاخير انا #change_maker

نصنع في تغيير لوضع مختلف… ممكن نكون منسي منو انا بعد خمس سنين… بس نكون راضي عن نفسي اني درت طبقة تغيير ولو ضئيلة… انا صانع تغيير ولو كان سمكه 1 نانو متر… المهم راضي وهذي قضيتي..

تعديل 1:

اعتذر لمن شتمني اني نزلت سكرينات بالاسماء وتم تعتيم الاسماء وتم التعديل بعد 51 دقيقة من النشر.

تعديل 2:

يوجد ثلاث تعليقات اخطأت فيهم نتيجة الكثرة.. فصورت تعليقات عادية وصححتها وعتمت الاسماء.

تعديل 3:

اعتذر لسيد نادر بن سليم ان صار سوء تفاهم بيني وبينه في سوء تقديري لفهم تعليقه وانفعاله واستفزازي له وتم التصالح بيننا…

هي: