ليس لدي النية في العمل في اي شركة اتصالات ولا ابحث عن تعيين وهذا كلام سبق وان قلته من اول مرة بديت فيها النشر في القروب في 15-3-2019

كان دائما الهدف الخاص بي ولازال والذي اعتبره من اسمى اهداف حياتي #الوعي_التقني_للجميع واني نطور او نساهم في تطوير المجتمع والشركات والبنوك وكل ادارات تقنية المعلومات في مختلف الجهات العامة والشركات الخاصة.

وما تغيير شيء من اول يوم نزلت فيه حصريات عن تطبيق #myltt قبل الشركة بشهر لغاية اليوم… لم يتغيير اي شيء الا نضج في المطالب والاداء والاسلوب.

وقاعد نقول فيها ونستمر… ماعنديش اي خلاف مع اي شركة او جهة… وكان هما يشوفوا فيها طرفين ومعركة وعداوة… انا نشوف في اننا في نفس الطرف وهو بناء البلاد كان مش علشاننا معناها علشان الاجيال.

وطبعا توا #ليبيا_للاتصالات_والتقنية كلها تشتم فيا من اقل موظف فيها الى اعلى الادارات ويقولك مريض نفسي ومزاجي ووهمي ويبي خدمة ويبتز في الشركات ومتلاعب وألعوبان ومستفيد ضمنيا ويعطوا فيه في فلوس…. صدقني ما عندي نقولك الا ربي يهديك ويوما ما لما تخدم صح تسويقك واعلامك وفنيتك. صدقني راح نكون سعيد نجي نديرلك بروموا ونديرلك وثائقي ونصفقلك مجانا…. كان حدكم في الحياة الشتيمة والطعن انا نشوف فيها شركة بلادي…

ربي يهدي….. انا نخدم في خدمتي وعايش كويس ومستمتع بحياتي ومن اول يوم درت فيه موقعي… amin. ly قلت كلمتي “لازم يصير زلزال تقني في ليبيا” وانا ماشي في جميع المحاور…

اليوم نشوف في النتائج ومزال في نتائج…

وللعلم اللي يقولي انت تتواصل معاهم نعم نتواصل معاهم

اخر شهر بيني وبين

#الجيل_الجديد 2 ايميلات وموظفينهم يشتموا

#المدار_الجديد اكثر من 30 ايميل واكثر من 20 اجابة

#القابضة ارسلت 10 وتم الرد على 2

#الهيئة_العامة_للاتصالات_والمعلوماتية ارسلت 9 ولا يوجد اي رد

#ليبيانا سيكون اول ايميل غدا او بعد غد

#ليبيا_للاتصالات_والتقنية ارسلت 10 ايميلات والرد كان ايميل واحد محتشم

#الدولية_للاتصالات ارسلت ايميل واحد وتم الرد عليه خلال ساعة

وقلتلكم مش متحشم في شيء… وما طلبت من حد خدمة ونبي الصالح العام… ووجودي في مجموعة مشاكل وحلول الانترنت في ليبيا هو لصالح العام مش للاستفادة الشخصية

جزاكم الله كل خير