بنعودوا نفس الكلام بتع
يا جماعة التحميل الليلي مش لكل حد
ما حد قالك اقعد ساهر
مش كل حاجة ديرها شركة معناها مصممة لكل الناس
ثالث مرة نعاودها وقلتها لما #المدار_الجديد و #ليبيانا دارتهم
تبي طالب بعروض وتخفيضات نهارية حقك… بس ما تقعد تشتم لان العرض الليلي ما جاش على قياسك…
يعني على اساس كل شيء في السبارة تستخدم فيه… لو تشوف لوحة التحكم بتع مكيف السيارة او ريموت المكيف في المنزل او مزايا الشاشة مش كل شيء تستخدم فيه
الشبكة في الليل ما عليها حمل والجماعة تحمل بالغلاء في النهار… وفي اللي عنده تحديثات بلاستيشن وفي اللي عنده افلام ووثائقيات وفي اللي عنده نتفليكس بينزل افلام وبيتفرج في النهار وفي الل معدل مؤقت
بدل ما يضايقوك في النهار… ويضعفوا الشبكة ويدفعوا دم قلبهم دارولهم تحميل ليلي…
ما تقعد تسب علشان ما جت على مقاسك… بل هذا مكسب وانجازات من كل الشركات… زيد طالب بادب وبدون شتيمة…. علشان اخلاقك وتربيتك…
لمزيد من التفاصيل تجد منشور اسمه off peak دايره في المجموعة الشهور الماضية
الموضوع موجود في دول كثيرة…. وانترنت 4G عموما مكلف… لا امل لدينا الا #هاتف_ليبيا ربي يهديهم ويركبوا مقسمات وفايبر للمدن زننتقلوا الى Adsl&Vdsl ويخفضوا اسعارهم اللي ياكلوا فيها رواتب….
ما تقوليش شن علاقتي… كانت انت سلبي ما تتكلم ولا تقعد تشتم نحن نعمل من اجل خفض الاسعار وزيادة الجودة واستقرار الشبكة وتطوير القطاع