نزلت منشور عن تحدي دايره واحد كويتي عن سرعة 5G اللي عاطيته له شركة STC كتجربة السرعة… وقال من يتحدى وممكن سرعته 400mbps
تذكرت ان عندي فيديو صورته في مقر شركة #المدار_الجديد للخدمة والسرعة وصلت معاي 1527mbps
اللي صار ان نزلتها وقلت قيموها ببلادكم… مش لازم نقعدوا نصدروا في الفضائح والجرائم والشتائم..
يعني افتح جوجل واكتب ليبيا وتوا تعرف ليش العالم يرفض فينا..
لعلمكم اليوم ليبيا تسمى في الاعلام العالمي الدولة الفاشلة..
طلعوا الشعب كلهم انت تبيض فيهم وانت تنظف فيهم وهذوم مسارق وهذوم حرايمية ومافيش تغطية وكرت عشرة خير منهم وطز فيهم الخ…
انا انصدمت… كيف راح نحسنوا صورتنا برا كان مش قادرين نفرقوا بين المسؤول والاستثمار والدولة والوطن والارض والمواطنين..
شوي مفاهيم
لعلمكم المدار اللي معتبرني نشكر فيها نبي منهم 120 دينار من يوم 28-10-2019 فاتح شكوى وتحقيق فيهم لعند اليوم لا حل رغم كثرت الايميلات بيننا.
المهم نبي نقوللكم حاجة قاله احد مبعوثي الامم المتحدة لليبيا… قال الشعب الليبي يتوقع العالم مهتم بيهم وهو الحقيقة ما حد راح يهتم بالشعب اكثر من الشعب نفسه… لا حكومة لا امم متحدة لا تجمعات لا غيرها..
يا نوقفوا للبلاد ونصلحوها يا نقعدوا نصدروا ان عندنا حكومات فاسدة ومستنين حد يجينا.. يعني وضع مقارب للعراق..
مضايق ما عندك تغطية… مش معناها البلاد ما تنفعش… في مئات الاسباب واخرها ان البلاد هذه ما تنفعش…
انا نحاول نكون احد الاحجار او الطبقات في تطوير البلاد في الداخل والخارج
الوطنية مش مرتب ومنفعة شخصية ومصلحة ومنصب واستفادة واسم وشهرة…
الوطنية انت شن درت لبلادك… وكان بتسب المسؤولين والفاسدين وانت مخليهم في الشارع… ما فرقت عن العراق في شيء..
هذا كله علشان قلت ان ليبيا من اولى الدول اللي جربت 5G
خلاص ادعموا الفشلة وادعموا صناعة الوظائف الوهمية وادعموا الشتيمة والكراهية ونشوفوا من فينا طريقته صح
صورة لما يراه العالم عن ليبيا في Google Search
15,269
People Reached
2,304
Engagements
Boost Post
481
72 Comments
19 Shares
Like
Comment
Share