نكتب منشور على تطوير الشبكة او معلومة فنية او معلومة توعوية او فكرة او خطأ شائع التفاعل
4-5 تعليقات…. 70 اعجاب
نقول راهو الاسعار غالية او الجيجات يتموا ولا شن تقول لشركة الفولانية وين مافيش تغطية
700-800 تعليق. 15000 اعجاب
هل العموم غير واعيين بالمشكلة الحقيقية.. وكيف ننشروا الوعي… مش كل مشاكلنا فلوس.. ولا نقدر نطلب من شركة تبيع الاتصالات بخسارة ولا تقولي ليهم سنين يعبوا في ملايين.. الملايين تلقاهم في الخزينة كل سنة يسقدوا للمركزي نص مليار وزمان قبل رفع الدولار كانوا يسقدوا في مليار… بتقولي يشوفوا لحال المواطن.. اهو السنة اللي فاتت اغلبهم باستثناء LTT خفضوا اسعارهم لنص او اقل…الوضع العام للاداء المالي لشعب مشتركة فيها المالية والعمل والاقتصاد وفي حاجة اسمها GDP والناتج المحلي الخ
كان تبوا تحلوا الثانية واللي كلكم تعانوا منها… لازم تتعلموا تطلبوا تطوير الشبكة والتغطية والسعات وتقليل اجهزة التشويش وفهم الشبكة وتطوير القوانين وحماية المستهلك وتكون واعي باستخدامك وتعرف امتى انت غالط وامتى في غلط من الشركة وتشخص المشكلة صح..
انا هكي نعرف… قلتلكم احد النقاط اللي حاربت عليها الاسعار بس مش كل حياتي بنقعد نتعارك على الاسعار بعد ليبيانا خفضت والمدار خفضت ول ت ت حسب التسريبات في تخفيض جاي خلال شهرين
ما تقولي مزال يخفضوا… تطوير السعات والسرعات والاداء والاستقراء وبعدين يزيد يخفض وفق مبدا العرض والطلب… هذا المنطق والا ابشر “بالشركة العامة للكهرباء 2”
وصباح الخير وشكرن
شكرن مكتوبة صح وتقدر ترد عليها بعفون 😉😉😉
#شركات_الاتصالات_الليبية