منشور لاهلنا في شرق البلاد
حسب استنتاجي بخصوص “الاتصالات في المنطقة الشرقية” والذي اعتبره اقرب للحقيقة بنسبة 80% انه قد حدث قطع في كابل الالياف البصرية المملوك لشركة #هاتف_ليبيا غرب مدينة بنغازي
مع صفر تصريحات من شركة هاتف ليبيا ومش جديدة
وهنا ما تقدر #ليبيانا او #المدار_الجديد او #ليبيا_للاتصالات_والتقنية تقول راهو هاتف ليبيا السبب بدون تصريح رسمي … والا راح يمشي مدير القانونية يرفع دعوى قضائية في الشركة ويقوللهم تنشروا في الشائعات…
وانا مش عارف غير انهم شيابين كلاسيك old school هاتف ليبيا شن مزال ثاني…. اطلعوا قولوا لناس كلمة… انتم الناقل الوحيد… ما تقدروش على الخدمة ارخوا الفايبر وبيعوه لشركات وخلي كل واحد يدير شغله…
وفي الاخير يصورلك مكيف ويقولك قام المهندسين الابطال بتركيب مكيف
انا والله تعبت…
انا والله تعبت…منطقة شرقية فيها مليون ونص الى مليونين ما حد قادر يعطيهم معلومة لان شركة زي هاتف ليبيا خانقة الكل….وبالمناسبة الامر ذاته على الشركات الخاصة..
لا صرحوا لا صلحوا لا خدموا.. ولا خلو حد يصرح او يصلح او يخدم.