يا اما الوضع متازم جدا في الشركات نتيجة الكهرباء يا اما بدينا في الانهيار الاتصالاتي..
الموضوع معاش ينسكت عليه… #هاتف_ليبيا #المدار_الجديد #ليبيانا #ليبيا_للاتصالات_والتقنية #الجيل_الجديد_للتقنية
شن صاير… الشرق بيخش في تسع ايام انهيار لدرجة ان في اصوات تقول ان مفتعل وان ما فيش حد يبي يتكلم
هل ممكن يكون في موضوعات فساد قادمة من اطراف في شرق البلاد او غربها…
صفر تصريح رسمي… وليبيانا والمدار قالوا عبر صفحاتهم وفي الخاص ان خلل من هاتف ليبيا…. لعند امتى..
هاتف ليبيا صفحتها مافيش الا اجتمع وودع واستقبل وجنودنا الكواسر ركبو #مكيف_هاتف_ليبيا
قولنا شن قعد في الاتصالات في ليبيا وكان بعتوا القضية وبعتوا البلاد وبتولي زي الكهرباء قولنا من توا..
حرام قطاع استثماري راقي وتقني يصير فيه هكي… والله كنت نشوف تطوير من شهر 12 لغاية اواخر 7 جميل جدا وتقدم ومستوى راقي جدا… وقلت السكوت في وقت البناء ممتاز..
بس مدام الكل خايف وما حد يبي يقول شن صاير… سربولنا شن صاير… الناس محتقنة وارزاق واشتراكات وحصص وارصدت ناس…
والا نمشوا نفتحوا بلاغ…. بس في منو… الوزارة ولا القابضة ولا هاتف ليبيا ولا #شركات_الاتصالات_الليبية
انا هنا نفكر بصوت عالي… وقفت خدمة سداد زي ما نعلم من التسريبات ان عندهم تطبيق جديد خلال ايام راح يصدر… طيب لو ما كان تطبيق جديد…
احكولنا ومرات نخش لايف…. لان لو انزلق الوضع وضاعت الاتصالات شن مزال فيها ليبيا…
لنقاش والحوار الهادف البناء بعيدا عن اي شتيمة او تقليل قدر وحوار
