في 2005 نذكر في سوق الخضرة صار سوء تفاهم بيني وبين واحد عصبي يبيع في خضرة…
المهم وانا طالع قلتله مش مسامحك… جابلي عصاة بالة وجي بيضربني بيها وقالي قول مسامحك.. قلتله خلاص خلاص مسامحك… تحت تهديد البالة….
طيب شن كان يمنع اني لما نطلع نسحب السماح..
وشن استفاد هوا من محاولة ضربي..
وكان يهمه سماح ربي ليش جاي يهدد فيا بالبالة..
مش عارف شن خطرها عليا القصة هذي توا بس مرات الامور الحالية نفس الكوميديا السوداء القاتمة الدارك