طبعا ما نعرف من ماسك #الجيل_الجديد_للتقنية ولو بنحكم بشكل شخصي صدقوني صارت اهانات داخل الشركة ليا وعدم احترام وتحقيق وأسلوب طفولي جدا من بعض الادارات والموظفين… كله عشان ايميل ارسلته لهم فيه خطا فني داروه.

بس خلونا نحكوا مهنيا
الهيئة عندها سيطرة او تتبعها زوز شركات من افشل ما يكون اداريا وتجاريا وهم #هاتف_ليبيا والنوعية

القابضة تحلب في الاموال من انجح الشركات وتمرر الاموال الى خزينة الدولة وعاجبها موقف القوة… ولا اعتقد ان لها سلطة كبيرة على الشركات وبدليل ان يهمها بس الربح والعائد التجاري وما شفت للقابضة خطة تنموية استثمارية خلال العشر سنوات الماضية بس افضل شيء فيهم… يقولوا ضمنيا مدام الشركة ناجحة بالادارة ومتفاهمين في بعض وفي فلوس استمروا،.. ما عندهم micro management اللي يبيها رئيس الهيئة او الوزير

طبعا الوزير شن يمشي يدير من شهرين…. يرسل للمركزي بقفل الاعتمادات عن الشركات الا باذن منه.. اهو كل واحد يلوي ذراع الشعب من جانب.

عليه يا سيادة الوزير… انت مش قادر تقود الوزارة والوزارة اصبحت عبارة عن مستنقع من كبار السن واللي ما يخدموا في شيء و 1300 موظف بعضهم يسب في الهيئة ويسب في الوزير والبعض الاخر يتملق لك حتى تطير والقاسم المشترك لدى الجميع هو عدم النتيجة وعدم العمل واستلام الرواتب…

ديروا تصرف عاقل واخدموا للبلاد مش عراك ضراير وقعمزوا مع بعض انت ورئيس القابضة وفكونا من اللي صاير…

ونظف هيئتك وراح تشوف القوة الاقتصادية والسياسية والادارية اللي تحصل عليها… ولا تنشر تجارب الفشل

خلاص انا تميت هكي… تقدروا تبدوا تسبوني يا مشجعي الطرفين وتقولوا بوق لكل طرف 😂😂😂😂😂😂