ما تقدر تلوم حد في وضع الكهرباء الحالي
ما نقدر نلوم شخص يخدم معاي ولا نلوم اهلي ولا نلوم شركة اتصالات ولا نلوم بنك
لما الكهرباء تنقطع لمدة 5 ايام ما يشوفوشي الناس والناس اللي نخدم معاهم او شركة اتصالات الا ساعات اقل من 3 ساعات يوميا معناتها الوضع كارثي وما نلوم حد.
انا نشوف في البنوك الليبية وهاتف ليبيا وغيرها مناكثر المؤسسات فاشلة وكارثية.. لكن ما نلوم حد لان المصاب كبير.. وهم ابرياء حتى ياتب الضي
اذا كنت اليوم ارسلت لصاحبي مروان فيديو مضحك قعد اربع ساعات علشان يفتحله.. وفي الاخير قالي احكيلي عليه.. من بنلوم.. #المدار_الجديد او #ليبيا_للاتصالات_والتقنية او #ليبيانا
ما قدامي الا نلوم #الشركة_العامة_للكهرباء ولا اعتقد ان اللوم مفيد اساسا.. ما عندي اي حل فالافضل هو السكوت مرات حد يتكلم يدير حل افضل مني لاني غير مطلع ولا اعرف ما يحدث ولا احكم بانصاف الحقائق.
مشكلتنا الان عصب الحياة الكهرباء.. وتبوا نكملوا في الإصلاح والنقاش والتفاعل والتعاون يجب من كهرباء لتشغيل كل شيء
غير هكي… استمر في السكوت عن الجميع واسف جدا ولا تلوموا #شركات_الاتصالات_الليبية لانها مش مسؤولة تركب بطارية تشتغل ستة ايام ومش مخولة تقوم باعداد حلول كهرباء او خلايا شمسية وهي شركات اتصالات وليست شركات كهرباء.. نفس الشيء مع البنوك ونفس الشيء مع المستشفيات.. كورونا + بلاك اوت + وضع ليبيا
ان شاء الله غير ليلتكم منورة
💡💡💡💡
🤕🤒😷🤧