واخيرا
تعديل 1 :
التعليقات : توا الخدمة بتنهار والسرعة بتموت!!!!!
ردي عليها:
معاش فهمنا شن يبو الناس
ناس تقولك غالي ونقصوا السعر
ولما ينقصوا السعر تطلع ناس ثانية تقولك الخدمة بتنتهي من الضغط!!!!!!!
شن المطلوب!؟؟؟
ووقت نطالب بتطوير الخدمة نقعد نغرد بروحي
ملاحظة 2:
النقاش هنا عن سعر الاشتراك مش اسعار الباقات والتغطية، ارجوا عدم الخروج من مسار الحوار للفائدة العامة
التصويت الحالي عن سعر الاشتراك لان الواضح ناس كثر معترضين عن السعر المخفض ويبو الغالي!!!!!! انا مستغرب
وسيكون الليلة لدينا لايف وتصويت اخر عن الخدمة والتغطية والباقات
عميل
مأجور
يبدل في الطارقات
يخدم معاهم
يخلصوا فيه
يصفقلهم على الوهم
يضحك معاهم على الذقون
ياخذ فلوس علشان يلمعهم
تغيير مواقف
بوق
وكان مش من يومين منزل منشور عن مطلب تخفيض الباقات الاساسية
العيب مش فيا ولا في الناس… العيب في الشركة اللي مش مشتغله على وعي جمهورها.. العيب في موظفين الشركة اللي يرموا عرض بدون ما يديروا وعي مجتمعي.
بالله اثبتو على راي من يخلص فيا: لا عاد عرفتها قابضة ولا عاد عرفته #المدار_الجديد ولا #ليبيانا ولا #ليبيا_للاتصالات_والتقنية ولا الهيئة
كل واحد يسند فيا على الجانب اللي كاره ليه. وكل واحد يبي يطعن وكلهم مستمتعين ان الكل يقدح فيا… دخت معاش عرفت لا الشعب شن يبي ولا الشركات كيف ينصلح حالها ولا الهيئة كيف تعقل..
عموما انا ماشي في اللي ندير فيه، مش علشان نبي منصب ولا مرتب ولا شوو اوشهرة. ماشي فيه علشان نبي يكون الصح في بلادي وتتطور.. وهذي غايات اكبر واهداف اسمى من نمشي ناخذ مرتبي اخر الشهر.
كلها تراجي اني انا او القروب او احمد او مروان او غيرنا من اللي يشتغلوا على الناس.. يطيحوا علشان يشمتوا ويقولوا شفتوا.
بالله ما ضربك اليأس انا ليا سنتين في الموضوع وما وقفت ولا تقاضيت دينار واحد وصارف على الموضوع من جهدي ووقتي اكثر من مرتب مدير ادارة لمدة سنتين.
خفوا عليا شوي يا وااااااااو واشقوا بوعي الناس اتجاه الصح مش اتجاه الغلط وتشويه الوضع العام…
ولنا الفخر من مجموعة مشاكل وحلول الانترنت في ليبيا ان يكون هاشتاق #شركات_الاتصالات_الليبية من انجح الهاشتاقات غير السياسية او الدينية او الايدلوجية او التجارية.. هاشتاق لنشر الوعي والتصحيح.
هنا امين صالح
29-9-2020
