مع اني والله مشغول ودرت فيديو العشية هذا الرابط الخاص به

عن صعوبة دخول مشغل إلا لو كان تعاقد فيه شرط جزائي على الدولة الليبية بس اهو نوضح لك ليش ليبيا مش بلد صالحة لإسثتمار في نقاط ويا رب توصلك بدل ما يجروا بيك صفحات واخبار لغرض زيادة اللايكات والشيرات،، وانا وظيفتي توعية فقط:

1- ليبيا بلد حرب وحرب اهلية واخر حرب ضروس ضخمة انتهت منذ خمس اشهر.

2- ليبيا كدولة وشركات ممنوعة من استيراد العديد من الاجهزة المتطورة مثل Firewalls & routers و بعض السيرفرات والرخص البرمجية المتطورة لمخاطر امنية تراها الدول المتقدمة وعدم معرفة لدى من تقع.

3- البنية التحتية في ليبيا متهالكة وغير مستقرة واعطال هاتف ليبيا كمشغل للألياف البصرية كثيرة.

4- التقلبات السياسية والاقتصادية في ليبيا كثيرة وليست بيئة للإستثمار.

5- مصرف ليبيا المركزي يمنع ادخال واخراج مئات الملايين من العملة الصعبة وذلك لمنع غسيل الاموال او التهريب او استنزاف اموال البلاد، وفي حالة قدوم قيمة مالية لداخل الدولة فسيتم احتسابها على 1.5 دينار وفي حالة اصدار اعتماد لتحويل قيمة مالية فسيكون سعر الاحتساب هو 3.6 بسعر الرسم او الضريبة وهذا ما يعد طعنة لأي شريك اجنبي في ليبيا.

6- ليبيا تعاني فقر في تشريعات الاتصالات والخصوصية وحماية البيانات وحماية المستهلك ولا تستطيع ضمان شروط أو اداء اي مشغل خارجي وفرض شروطك عليه مثل تشغيل الخدمات في القرى والطرق.

7- ليبيا بلاد متباعدة وقارة حيث تبلغ اكثر من 1700×2000 من اقصاها إلى اقصاها وهذا ما يجعل اي مشغل اجنبي يركز على خمس مدن تعوض له قيمته وهي بنغازي وطرابلس ومصراته وسبها والزاوية كونها ثقل سكاني عالي.

8- قيم التراسل والانترنت من شركتي الدولية وهاتف ليبيا عالية جدا.

9- الوضع الامني من الجمهور صعب جدا، فعمليات التكسير والتخريب للأبراج والبطاريات والكهرباء والاعتداء على ممتلكات العامة كثيرة ولا يمكن ضمان اي شيء لأي مشغل خارجي.

10- مؤشر الفساد ينبه ان ليبيا في اخر الدول ومن اكثر الدول المستشري فيها الفساد وفتح تعاقدات دون اتمامها.

11- ازمة الكهرباء المتفاقمة شرقا وغربا وجنوبا.

12- الارهاب والخطف والجريمة المنظمة، تجعل اي شركة تحاول الدخول في ليبيا في موقف سيء من ناحية السمعة العالمية.