لو جماعة شتيوي بي خذو بملاحظاتي من شهرين وداروا مكتب تمثيلي واجراءات قانونية واجراءات تجارية داخل ليبيا وقدموا ملفاتهم مجرد التقديم.. راهو ما وصلوا للمشاكل مع المجتمع
ملاحظات بسيطة سببت مشاكل كبيرة واحتمال الشركة توقف نشاطها في ليبيا لو المركزي دار فيهم بلاغات على مستوى عالمي او تواصلوا كدولة ليبية مع visa
شوف ملاحظات بسيطة ممكن دمر بزنيس ضخم او يدعي الضخامة… احيانا نحن كمدونين تقنيين او حتى مهندسي امن المعلومات او تقنيين عامة تلقاهم يركزوا في نقاط تقول هذي بسيط… النقاط البسيطة تطيح بشركة كاملة وتفتح ملفاتهم الماضية
بعد شفت شتيوي بي ودرت مراجعة ولقيتها ما عندها تصريح في ليبيا
ارسلت لفيزا نبي نتاكد انهم partner معاهم او شركة في اتفاقية… طبعا فيزا متحفظين جدا… فتشت في قوائم الشركات اللي تتعامل مع فيزا ولم اجد اسمهم لا في تركيا ولا في سنغافورة او اي دولة..
اللي فهمته ضمنيا انهم واخذين الخدمة من طرف ثالث وهما طرف رابع..
وهذا عدم وضوح في التعامل فحسب ما هما يقولوا انهم يقدموا في الخدمة مباشرة عن طريق تواجدهم وتوقيعهم مع فيزا وتواجدهم في سنغافورة
يعني شوف ملاحظاتي بتاريخ 31-7 والايميل 2-8 واليوم 23-10
فيزا قالت ما نقدروا نزودوك باي معلومة… ولو يكبر الموضوع وفيزا تكتشف ان في شركة عن شركة تقدم في خدمات مالية عن طريق KYC في بلد زي ليبيا بالتجاوز لتشريعات البلد.. فعليا راح تخش بعضها
شفتوا الموضوع المالي كيف معقد وعالمي وصعب
واكرر انا لا اتهم اشتيوي بي بالنصب او الاحتيال او التجاوز
فقط اتكلم عن عدم وجود إجراءات واضحة
بعض الشركات التي تعمل في الدفع الإلكتروني في ليبيا… داخليا
فاتحة حسابات في بنوك وليس لديها اذن مزاولة او تغطية مالية او ضمانات لدى المركزي وتقوم بحملات تسويقية وتقوم بتحويل العملة
حتى لو كانوا نيتهم طيبة وما داروا شيء غلط…
الاجراءات واضحة