شركات الدفع الإلكتروني زعلانين وفي اللي يهدد وفي اللي اضايق وفي اللي قال عندي ترخيص من مصرف ليبيا المركزي في الشرق وفي اللي قال بعلاقتي نطلع اذن مزاولة من #مصرف_ليبيا_المركزي طرابلس.
شن قلت انا،، انا قلت اللي ما عنده اذن مزاولة يوقف خدمته ويخدم صح لأننا مقبلين على عهد نصابة وطبيعي جدا البلدان اللي مزقتها الحرب تجي شركات من الداخل والخارج تستغل غياب قوة مطبقة للقانون.
ساهل الموضوع ومافيش ليش تقولي منو انت وهل انت جهة رقابية، اللي يطلب منك اذن مزاولة وريه وكلم المركزي يعلنوا الاسماء زي ما دار مركزي طرابلس ونبوا نفهموا التراخيص ومن اللي محفظة ومن بطاقات ومن سداد الكتروني ومن تحويلات مالية،،،
وأطالب المركزي بالشروع او فتح باب النقاش في لائحة #المدفوعات_الالكترونية بين المجتمع واللجان بالداخل والشركات، علشان نوصلوا لتنظيم للموضوع،
هكي المنطق يقول،، وكان تبوها زي ما قال المحافظ أفتح أفتح أفتح،، احنا ما نتحملوا مسؤولية النصب أو الخداع من بعض الشركات،،، يتحملها المركزي بتقصيره في تنظيم سوق وخلق سوق ضخم موازي لدفع الإلكتروني..
أي حاجة ما نظمتها وشرعنتها بقوانينك راح ينظمها الشعب باللي يشوفه مناسب