قول الكلمة الطيبة والشكر وادعم اللي يخدم علشان يتشجع..
وقوم الضعيف لعند يقدر يتغلب على العوائق
وحاول انتزاع الخدمات من الفاشل والمتكاسل لان هذا وطن مش مدرسة..
انتظروا جديد #ليبيا_للاتصالات_والتقنية
ما حد يقولي شن في جديد لان المعلومات اللي عندي محدودة جدا جدا. فقط في شيء جاي في الطريق
شكرا #المدار_الجديد لتجاوب وياريت تستعجلونا بالجبل وجنوب طرابلس والمناطق معدومة التغطية او ضعيفة الخدمة
شكرا #ليبيانا …. التغطية ثم التغطية ثم التغطية
بالنسبة #LTT ما فيش كلمة طيبة لعند نشوفوا النتائج لان الموضوع بادي يعطل وصبرنا محدود
#هاتف_ليبيا حسبي الله ونعم الوكيل وربي ياخذ فيكم الحق على قد خلتوا القطاع متخلف
وللكل:
الشكوى مفيدة وتعلي صوتك في الميديا كويسة… هذه السلطة الرابعة… سلطة الاعلام…
واكرر دائما واقول…. الوضع الحالي معقد و ينحل… بس بعد خمس سنين يزيد يتعقد ومش راح ينحل
تصبحوا على الف خير