العالم ما يلعب او يتفرج بانترنت wireless

خدمات الانترنت لشركات الاتصالات وصلت حدها… وبصراحة نبي خط ارضي يوصلني لغاية الحوش وفيه 16mbps ثابتة طول الشهر بسعة 500GB ومايصيرش فيها drop بسعر 30 دينار

هكي نكونوا انصفنا الشركات وانصفنا انفسنا وونعبي باقة 5Gb للفور جي ويخف الضغط على 4G & 3G

تعرفوا لما تهدرز مع حد تقوله ان نزل في لعبة 150GB زي كول اوف ديوتي او نتفرج طول الشهر Netflix بانترنت شفرة ينصدم من الغباء “غباء في استراتيجيات القطاع” … هذا مزال ما تكلمت مع حد ان الشركة الموقرة اللي مختفية اللي اسمها #هاتف_ليبيا عندها عطل ليها اسبوع فاصل الانترنت على نصف البلاد الشرقي

نهوض القطاع بكل مكوناته مش الطبقة الخارجية والشيابين موقفين الكمبيو…. هي زي السيارة كان المخرك ممتاز والبنزينة نظيف والعجلات ممتاز والكمبيو مسكر راسه على اولى لا السيارة جيرت واعصابنا راح تتلف زي المحرك اللي راح يتلف… كلها مرتبطة سواء هاتف ليبيا او الدولية او الجيل او البنية او ليبيانا والمدار… مايجيش نقص اسعار في الطبقة الخارجية ويوم ينقطع كابل ولا يوقف مولد مافيش حد يصلحه.