نبي نعرف ليش في بعض الناس مضايقة من الكول سنتر.. ويسبو وما تعرفهمش شن يبو.. تبي تغطية طالب بيها بالطريقة العلمية الصحيحة…
ليبيانا دارت لك كول سنتر 24/7 وكلهم يردوا وصفحتهم ترد وتتواصل مع الناس ودارو تطبيق..غير شن تبي.. واللي نقدروا نديروه نديروه وبعض الامور خارج عن السيطرة لاسباب امنية او عسكرية او سياسية او كهربائية او مالية او ادارية..
طيب انا فرحان وسعيد بالانجاز.. لان في شخص ما في مكان ما راح يستفيد وتنقص المشاكل.
… توا لما تسمعهم كيف يبكوا على كرت ممسوح منه رقمين يتبع #LTT اللي ما عندهم كول سنتر ولا دعم فني ولا يردوا على الصفحة… تقول والله الكول سنتر مهم…
بالله وقت الزعل والنقد درنا عراكات للمليون وبدل العركة عشرة وكتبنا جرايد ومطالب وجلها تنفذ…
مشكلتك تغطية حارب من اجل التغطية مش تقعد تسب في التطبيق والكول سنتر والصفحة والبرامج المجتمعية التوعية والمسابقات والبرامج التسويقية… معقولة تفقد المكتسبات علشان حاجة هي مش في يد حد.
بتجي تحكي على التغطية تعال نجوها وحدة وحدة… وهذا كلام في احد الاجتماعات السرية في شهر اكتوبر 2019 مع مجموعة اشخاص من عدة شركات:
– المركزي ما يوافق لهم على كل مطالب الحوالات على3.6. ويفرض عليهم قيمة معينة لتعاقد والاعتمادات
الشركات. في شركات اليوم تاخذ في المعدات بالدين وتوا تخلص لان اسمها موجود…والسبب المركزي مسكر راسه. ويعطي لناس دون ناس.
في مخاطر امنية وعسكرية في بعض المناطق في البلاد وما اعتقدش ان دم وحياة الفني او المهندس اللي هو ليبي رخيصة والتغطية اهم منه. وتقول انا ندفع ومش مسؤول نفكرلهم… نقولك كان زمان.. توا بلادك تمر بحرب… وهذي مسؤولية الجميع.
في عدد كبير من الابراج دمر واللي مش محسوبله في خطة التطوير.. ولازم يعاود من الصفر وعددهم لغاية 10/2019
225 برج من مختلف الشركات والعدد تقريبا وصل الى
270 برج
الشعب مش معقب جهد في تركيب المقويات المقلدة والتعبانة والتشويش وتسكير الراس..
الشعب رافض ينصب ابراج بحجة الضرر الصحي اللي مافيش منها.
وغيره العشرات من الاسباب الحقيقية مش الاعذار… امشي ديرلهم حل… بتقول مش مسؤوليتي بتقولك الشركة حتى انا مش مسؤوليتي… وخلينا نضيعوا. واولهم ازمة الكهرباء مش مسؤولية الشركة
عليه
وفرله امن وخدمات لوجستية وتحويلات مالية وعدم عرقلة ادارية من الهيئة والحكومة والقابضة والمركزي والديوان والشعب… ونتكلموا
انا وصلت في هذاك الاجتماع لطلب واحد
اخدموا لشعب شغل in house
اي حاجة تقدروا ديروها في مقر الشركة من عروض وتخفيضات وخدمات ودعم فني ديروها
لعند تحلوا مشاكلكم…
حتى المطالب تطلب بالعقل والمنطق…
هما كلهم 300 موظف في كل شركة يشتغلوا ابراج وفنية واشارات..
هما مش اعدائك… انت وهما واحد… المصلحة العامة في حل المشاكل… ما تبيش تحل معاهم المشاكل استنى لعند نحلوها نحن المبادرين بالضغط الشعبي على كل حد يعرقل في الاداء… وانت ارتاح لا تقول خير ولا شر
وسوء النية والعرقلة وجدتها من:
والنوم وجدته في #القابضة_للاتصالات اللي مفروض تضغط على الاطراف الخارجية واقتصر عملها على جباية الارباح واحالتها للمركزي ومصارفهم هما وشوي عراكات.. ولنا في هذا نقاش اخر…
واللي بيزعل من الشركات يزعل… ما بنداهن حد… تبوهم يشتغلوا وفرولهم الاساسيات… شعبا وحكومة
من 40 نقطة مقدمة لشركات تم تنفيذ 35 نقطة in house في خلال 12 شهر كان فيهم كورونا وحرب ومشاكل
وهذا اجتهاد شخصي
