صباح الخير
جماعة الادارة السابقة في #ليبيا_للاتصالات_والتقنية زعلانين ان خيرني ما نتكلم على الادارة الحالية
ولا يهمكم… ها يا #LTT شنو مافيش اي شيء يخص الاسعار بحكم انكم مشغل انترنت ISP سعر 1.5-2.5 للجيجا من 2017 مبالغ فيه
فكروا كيف تنقصوا تكاليف التراسل مع الشركة العجوز #هاتف_ليبيا وخفضولنا السعر الرسمي، كفاية عروض مؤقتة مؤقتة مؤقتة
بالمناسبة انصار الادارة السابقة متفقين مع موظفين هاتف ليبيا اني مأجور وعندي مآرب ويحركوا فيا واني دمية وسيارة لعبة ويحركوا..
انا غير مسؤول عن اي احد يغيير كلامي و “التزامن لا يعني السببية” يعني مش اني تكلمت عن LTT في موسم ادارة معينة وتتبع طرف معناهم انا ضد او مع طرف اخر، وكذلك الناس.
للعلم في اي لحظة لما تسوء الخدمة او ما تردوا طبيعي بنقلب عليكم وعلى غيركم.. انتم مش صحابي ولا حد صاحبي.. انا متحالف مع الخدمات.
فوت ارضاء امين او امين بوق او امين وهمي وشخصنة الامور. انا حطيت يدي على مشكلة عندكم حلوها واللي ما يقدر يحلها من اصغر موظف لاعلى موظف يسقد والخطاب يشمل الجميع بدون استثناء سواء ليك في الشركة عشرين سنة ولا اسبوع.
ما تعبونا واطلعوا احكولنا الخطة الزمنية لتخفيضات والاسعار وشن مشاكلكم المالية مع هاتف ليبيا والدولية وتراخيص الهيئة وايرادات القابضة.
واي حد بيشخصن او بيتهم او يشكك تو يطعن بيقول كلمة بنرد بعشرة وبالحجة وبالله فكونا من الاستفزاز… لانه الاستفزاز نتائجه رقابة إدارية وديوان محاسبة ونائب عام ومكافحة فساد وقضايا وحملات ومقاطعات وبلاغات وضغط شعبي.
ومش لطيفة كل يومين نضغطوا..
المأجور العميل المسير البوق هو اللي يصفق لادارات متهاوية مش من يدعوا للاصلاح مجانا وبالكلمة الطيبة.
نراجوا الخطة السعرية اللي ليها سنة في الوعود من 0.60-1.00