في حاجة اسمها معادلة انتاجية الموظف وهي قسمة ما ينتجه الموظف بالقيمة المالية على الراتب الذي يتقاضه سواء بالساعة اولا جمالي. اعتقد بالطريقة هذي “انا غير متخصص في هذا الشأن بس عندي معلومات وتقدروا تصلحولي”.

يعني مثلا وعلى صعيد مؤسسي، وليس مشاريع او منتجات او عمل معين ذو عائد معين.

لنفرض ان الشركة بها 1500 موظف ونخلص على كل موطف راتب شهري 2000 دينار لمدة 12 شهر =36 مليون

هل ايرادي بعد بعض التعديلات والمحذوفات، اعلى او يساوي او اقل

لو كان الناتج 4 معناها الموظف الواحد بمتوسط يطلعلي اربع اضعاف.. والشركة رابحة والشركة مفروض تعطيه حوافز وتدريب والخ.

ولو كان بالكسر او اقل من 1 معناها انا فاتح نخلص في موظفيني اعانة قبل اغلاق الشركة بعد كم سنة باعلان افلاسها. وهذا اللي راح تشوفوه وصاير حاليا في التعليم والصحة وبعض شركات الاتصالات.

طبعا الموضوع معقد جدا جدا جدا وفيه مدخلات ومخرجات وفيه حساب بالساعات ومن يستحق التدريب ومن لا، وفي software قوية لهذا الامر.. بس خلاصة القول هل الموظف اللي نخلص فيه.. يجيبلي في مردود عام اكثر ولا لا.. كان لا نفصله ونسرحه خير… وجو قطع الاعناق ولا قطع الارزاق وفاتحين بيوت قولها في مربوعة مش في مكاتب ودولة وشركات استثمارية.

بالله جماعة #هاتف_ليبيا و #بريد_ليبيا #الليبية و #الافريقية و #الهيئة_العامة_للاتصالات_والمعلوماتية وكل الوزارات الليبية بدون استثناء…. اخطوه المنشور لان نتكلم في كلام استثماري تجاري مردوده على الجميع.

للعلم في شركات في العالم الموظف فيها يحقق 500 ضعف ما يتقاضى راتب متضاعف وغير ثابت وبالملايين. وهذوم غالبا ياخذوا اسهم او يتضاعف مرتبهم مثل تيم كوك و مدراء جوجل و غيرهم الكثير..

غير خطرها بس… تبادلوه بينكم المنشور… توا المرة الجاية نحكوا بشكل سطحي على KPI يا واااااااااو.