الا يقولك مافيش تطوير في قطاع الاتصالات كلمته منقوصة
قول مافيش التطوير المنشود اللي نبوه…

انا اعتقد اني كبير في العمر كفاية علشان نقوللكم ان في ليبيا كلها ماكانش في انترنت في ليبيا من 2009 -2016 الا واي ماكس وشوي ADSL
وهنا نقوللكم كلمة انترنت مجدي… انترنت كويس
وكان الواي ماكس 2Mbps
واعتقد ان LTT رغم اداراتها المتهالكة عبر عشرين سنة قدرت تدين ودير حل لشعب

بعدين خشينا على التطوير الشامل في الشبكة واللي بدي من 2015 الى 2017 واطلقت فيه LTT خدمة 4G

وبعدها باسابيع اطلقت ليبيانا الانترنت الخاص بها وكان تقريبا الجيجا 5 دينار
وبعدها بسنة اطلقت المدار انترنت H+ وبعدها بستة شهور 4G وادعوا ان 4G plus بس جاء بعده بستة شهور فعليا اي في منتصف 2019

حصيلة الامر ان في تطور نعم في تطور
هل هو التطور المنشود؟ لا
هل نحتاج اكثر؟ نعم

مواطن الخلل:
صراع النفوذ على الشركات
صراع بين الديوان والمركزي من جهة والشركات من جهة اخرى على ميزانية التطوير
محدودية وتخلف شبكة هاتف ليبيا
زيادة التوسع السكاني العشوائي
الحروب واعمال التخريب
خلاف الوزارة مع القابضة في الاختصاصات
تدخل القابضة في عمل الشركات micro-managment
الانقسام السياسي والمالي والاقتصادي
عدم وجود شبكة ارضية قوية
غياب اقتراح التشريعات واللوائح التنفيذية من طرف #الهيئةالعامةللاتصالات_والمعلوماتية
غياب التوعية من الشركات لشعب وفرض قوة الشارع من اجل التطوير
البيروقراطية المعقدة
ارث النظام السابق من فوضى ادارية ومالية
التكدس الوظيفي والتوظيف بناءا على المعرفة لا الكفاءة وخصوصا هاتف ليبيا والبنية والنوعية والهيئة.

والله اعلم